ஓர்குட்டில் புதிய நண்பர்கள்

நீங்கள் ஒரு ஓர்குட் பயனரா? இன்று இணைய பாவனையில் ஓர்குட் பயனர் கணக்கு இல்லாதவர்களே அரிது என்று கூறலாம். இந்த ஓர்குட் சேவையை 2004 சனவரி 22 ம் திகதி கூகிள் நிறுவனம் அறிமுகப்படுத்தியது. கூகிளில் பணியாற்றும் ஓர்குட் பியூகோட்டன் என்பவரே இந்த மென்பொருளை உருவாக்கியவர். அதனால் இந்த சேவைக்கும் ஓர்குட் என்றே பெயரிட்டது கூகிள் நிறுவனம்.

இந்த ஓர்குட் தளத்தில் உங்களுக்கும் பல நண்பர்கள் இருப்பார்கள்.

இந்த ஓர்குட்டை உருவாக்கியவரான ஓர்குட் பியூகோட்டன் என்பவரையே உங்கள் நண்பராக்கிக்கொண்டால் ....? சரி, நண்பராக்கிக்கொள்ளாவிட்டாலும் பரவாயில்லை. அவரது புகைப்படங்கள், விபரங்கள் என்று பல விடயங்களை அறிந்துக்கொள்ளலாம். சில நேரம் பிரயோசனமான பல தகவல்கள் கிடைக்கவும் வாய்ப்புள்ளது அல்லவா?

அப்படியானால் இதோ அவருடைய தளத்திற்கான சுட்டி.
http://www.orkut.com/Profile.aspx?uid=325082930226142255

கூகிள் நிறுவனத்தை உருவாக்கியவர்களான சேர்ஜி பிரின் மற்றும் லாரி பேஜ் அவர்களுடைய பக்கங்களுக்கு வேண்டுமானாலும் செல்லலாம்.

http://www.orkut.com/Profile.aspx?uid=2990496069118008637
http://www.orkut.com/Profile.aspx?uid=14278765755902856939

மற்றும் கூகிள் நிறுவனத்தின் சேவைப்புரியும் பணியாளர்களையும் ஓர்குட்டில் உங்கள் நண்பர்களாக்கிக்கொள்ளலாம்.

http://www.orkut.com/Profile.aspx?uid=11896824899287314528
http://www.orkut.com/Profile.aspx?uid=17148822584528112020
http://www.orkut.com/Profile.aspx?uid=12757970461778905710
http://www.orkut.com/Profile.aspx?uid=18159094750008782722
http://www.orkut.com/Profile.aspx?uid=16388496693262706185
http://www.orkut.com/Profile.aspx?uid=5890672755287005477

மைக்ரோசொப்ட் விஸ்டா 2007 குழுவினரின் பக்கம்.
http://www.orkut.com/CommInvite.aspx?cmm=27272039

இது சர்வதேச ஓர்குட்டிற்கான பொதுவான சுட்டி இதை அழுத்தி நேரே உங்கள் தளத்திற்கே செல்லலாம்.
http://www.orkut.com/Profile.aspx???2pid=11731517960896443124

நேரடியாக Scarp பக்கத்திற்கு இந்த சுட்டி எடுத்துச்செல்லும்.
http://www.orkut.com/Scrapbook.aspx?2uid=6849219260034274333

நேரடியாக உங்கள் நண்பர்கள் பக்கத்திற்கு செல்வதற்கு.
http://www.orkut.com/Map.aspx

இங்கே சில வசதிகளை செய்துக்கொள்ளலாம்.

இந்த சுட்டிகள் உங்களுக்கு ஒரு ஓர்குட் பயனர் கணக்கிருந்தால் தான் செயல்படும். பயனர் கணக்கு இல்லையானால் புதிதாக ஒரு பயனர் கணக்கை ஆரம்பித்து நேராக குறிப்பிட்ட பக்கத்திற்கு உள் நுழையலாம்.

மேலும் ஓர்க்குட் தொடர்பான தகவல்களை இங்கே அறிந்துக்கொள்ளலாம்.

கூகிளும் அதன் வரலாற்றுப் பாதையும் ஒருப் பார்வை

இன்றைய இணைய உலகிள் கூகிள் நமக்குத் தரும் சேவைகளோ ஏராளம் ஏராளம்.

எனவே இந்த கூகிள் நிறுவனத்தையும் அதன் வரலாற்றையும் ஒரு சிறிய பார்வையிடுவோம்.

கலிபோர்னியா Stanford University இசுடான்போர்ட் பல்கலைக்கழகத்தில் சேர்ஜி பிரின் (Sergy Brin) லெரி பேஜ் (Larry Page) எனும் இரண்டு கலாநிதிப் பட்டப்படிப்பு மாணவர்கள் தமக்கு வழங்கப்பட்ட ஒரு ஆராய்ச்சிக்காக தொடங்கிய ஒரு முயற்சியே கூகிள் எனும் தேடு இயந்திரம் தோன்றுவதற்கான காரணமானது எனலாம்.

இது இசுடான்போர்ட் பல்கலைக்கழகத்தின் ஒரு ஆராச்சிக்கான விடயமாக மட்டும் இருந்தப்போதிலும். பிறகு சேர்ஜி பிரின் மற்றும் லெரி பேஜ் இருவரும் இந்த ஆய்வை, ஒரு தேடு இயந்திரத்திற்கான ஆய்வாக முன்னெடுத்தனர்.

தேடும் ஒரு சொல் அல்லது விடயம் எந்தெந்த இணைய பக்கங்களிலிருந்தாலும் அதை அலசி ஆராய்ந்து நமது தேடலுக்குறிய பக்கங்களை தேடுபதிலாக பட்டியலிடும் தொழில் நுட்ப முறையை சிறந்ததாக இவர்கள் கருதினர்.

இது இவர்களின் இசுடான்போர்ட் பல்கலைக்கழகத்தின் தமது பட்டப்படிப்பிற்கான ஆராய்ச்சியாக மட்டும் இருந்தப்போதிலும் தமது ஆராய்ச்சியின் பயனாக, இசுடான் போர்ட் பல்கலைக்கழகத்தின் பக்கங்களை தேடுவதற்கான ஒரு தேடு இயந்திரமாக "google.standford.edu" எனும் (டொமைன்) பெயரில் பாவனைக்கும் உற்படுத்தப்பட்டது.

ஆனால் 1998 ஆகஸ்ட் மாதம் இவர்கள் தமது நன்பர் ஒருவரது வீட்டு கார் நிறுத்தகத்தில் அதிகாரபூர்வமாக கூகிள் நிறுவனத்தை வர்த்தக நோக்குடன் ஆரம்பித்தனர். அதே மாதம் 1998 ஆகஸ்ட் 15 ம் திகதியே http://www.google.com/ என பதிவுசெய்யப்பட்டது.

இவர்களின் இந்த புதிய நிறுவனத்திற்கு முதலீடு செய்ய பலரை அணுகி இறுதியில் ஒருவாறு 1.1 மில்லியன் டொலர்களை தேடிக்கொண்டு கூகிள் தனது செவையை தொடர்ந்தது.

கார் நிறுத்தகத்திலிருந்த இந்த நிறுவனம் 1999 மார்ச் மாதம் Silicon Valley எனும் இடத்திற்கு இடமாற்றப்பட்டது.

இந்நிறுவனத்தின் அபார வளர்ச்சியாலும் இடப்பற்றாக்குறையினாலும் இவர்களது இந்த நிறுவனத்தை வேறு ஒரு பெரிய கட்டிடத்திற்கு மாற்ற வேண்டிய தேவையேற்பட்டது. எனவே 2003 ம் ஆண்டு வேறு ஒரு கட்டிடத்தை வாடகைக்குப் பெற்றனர். அந்த கட்டிடத்திற்கு Googleplex என்று பெயரிட்டனர்.

2006 ம் ஆண்டு அதே கட்டிடத்தை 319 மில்லியன் டொலர்களுக்கு கூகிள் நிறுவனம் விலைக்கு வாங்கிக்கொண்டது.

கூகிளின் தேடு இயந்திர தொழில் நுட்பம் 2001 செப்டம்பரில் காப்புரிமை செய்யப்பட்டது. அத்துடன் இசுடான்போர்ட் பல்கலைக்கழகத்திலும் அதிகாரபூர்வ காப்புரிமையிலும் பட்டியலிடப்பட்டது.

2004 ஆகஸ்ட் 19 ம் திகதி கூகிள் இந்நிறுவனத்தை ஒரு பொது நிறுவனமாக பதிவு செய்துக்கொண்டது.

கூகிள் தமது தேடு இயந்திரத்தினூடாக புதியபுதிய மாற்றங்களைச் செய்து இணைய பாவனையாளர்களை வெகுவாக கவர்ந்தது. 2000 ம் ஆண்டிலிருந்து தேடு இயந்திரத்தில் தேடப்படும் சொல் அல்லது விடயம் தொடர்பான தேடுபதில்களுடன் விளம்பரங்களையும் இணைத்து அதனூடாகவும் வருமானத்தை ஈட்டியது.

2007 செப்டம்பர் 30 ம் திகதி கணக்கெடுப்பின் படி இந்த நிறுவனத்தின் முழுநேர பணியாளர்களாக 15, 916 இருப்பதாக கணக்கிடப்பட்டது.

NASDAQ இல் பட்டியலிடப்பட்ட பொது நிறுவனங்களில் கூகிளே பெரியதாகும்.

லெரி பேஜ் , சேர்ஜி பிரின் ஆகிய இவர்களால் உருவாக்கப்பட்ட கூகிள் NASDAQ பங்குச்சந்தையில் 2004 ஓகஸ்ட் 19 ம்திகதி 1.67 பில்லியன் டொலர்களுக்கு பங்குகள் விற்பனையாகின. அத்துடன் 23 பில்லியன் டொலர்களுக்கும் மேலாக கூகிள் நிறுவனம் மதிப்பாகியிருந்ததும் கூறிப்பிடத்தக்கது.

இன்று பல நூற்றுக்கணக்கான தேடு இயந்திரங்கள் தோன்றியுள்ளப்போதும் 87% வீதமானோர் கூகிள் தேடு இயந்திரத்தையே பாவிக்கப்படுவதாக கணிப்புகள் குறிப்பிடுகின்றன.

Googol எனும் பெயரே எழுத்துப்பிளையாக தட்டச்சு செய்யப்பட்டதால் Google என்று இடப்பட்டுவிட்டதாகவும் கூறப்படுகிறது. Googol என்றால் 1 ன்றுடன் 100 பூச்சியங்களை இணைத்தால் வரும் என்னிக்கையை குறிக்கும் சொல்லாகும்.

எப்படியோ Googol எனும் வார்த்தை Google என்று தவராக தட்டச்சப்பட்டது என்றாலும், Google எனும் ஒரு வார்த்தைக்கு இன்று உலகளவில் எல்லா மொழியிலுமே பயன்படும் ஒரு சொல்லாகிவிட்டது.

இந்தச் சொல்லை 2006 ல் ஒக்ஸ்போர்ட் அகராதியிலும் ஒரு சொல்லாக புகுத்தப்பட்டுள்ளது. “கூகிள்” எனும் வார்த்தைக்கான அர்த்தமாக "இணையத்தில் தகவல்களை தேடுவதற்கான ஒரு தொழில் நுட்பச் சொல்" என்று குறிப்பிடப்பட்டுள்ளது.

எப்படியோ இன்று இணையத்தில் நூற்றுக்கணக்கான தேடு இயந்திரங்கள் தோன்றியுள்ளப் போதும் எல்லோருடைய மனதிலும் நின்றுவிட்ட ஒரு ஈடு இணையற்ற தேடு இயந்திரம் “கூகிள்” எனும் நிலை ஆகிவிட்டது. ஒரு நாளைக்கு பல பில்லியன் கணக்கான வார்த்தைகளை கண்னிமைக்கும் நேரத்தில் தேடித்தரும் ஒரு தேடு இயந்திரமாக வளர்ந்து நிற்கிறது.

அத்துடன் நின்றுவிடாது படிப்படியாக தொடர்ந்த கூகிளின் செயல்திட்டங்கள் புதிய பொருட்களின் வடிவமைப்பு, மற்றைய நிறுவனங்களை கொள்முதல் செய்தல், பங்குதாரர்கள், விளம்பரங்கள், வியாபார யுக்திகள் என இனையத்தில் பலத்துறைகளிலும் புகுந்து விளையாடுகிறது.

"Don't be evil" எனும் வார்த்தையை தமது சுலோக வார்த்தையாக பாவித்துவரும் கூகிள் நிறுவனம் பேயாகாமல், மற்ற எல்லா இணையத் தொழில் நுட்பத்தையும் (கடந்து + உள்) கடவுளாக பல நன்மைகளையும் பயன்களையும் அள்ளி வழங்கிக்கொண்டிருக்கின்றது.

இந்த கூகிள் கடவுள் நமக்கு அள்ளி வழங்கும் சேவைகள் ஒன்றா? இரண்டா? "கூகிளும் அது தரும் பயன்களும்" எனும் எனது அடுத்த பதிவில் அவற்றை பார்க்கலாம்.

அதுவரை லெரி பேஜ் , சேர்ஜி பிரின் எனும் இவர்களது உரையாடலை காணொளியில் காணுங்கள்.

தமிழ் எழுத்துருவை பதிவிறக்காமல் கணனியில் தமிழில் எழுத முடியுமா?

தமிழ் எழுத்துருவை (Font) கணனிக்குள் பதிவிறக்காமல் தமிழில் எழுத முடியுமா?

சிலவேளை நீங்கள் வேறு ஒரு இடத்தில் அல்லது நூலகம் போன்ற இடங்களில் ஒரு கணனியை பாவிக்க வேண்டியதாகிற்று என்று வைத்துக்கொள்வோம், அந்த கணனியில் தமிழ் எழுத்துரு பதிவிறக்கப்பட்டிருக்கவில்லை என்று வைத்துக்கொள்வோம், உடனடியாக பதிவிறக்கி பயன் படுத்தவும் நேரம் போதாது என்று வைத்துக்கொள்வோம், அதேநேரம் தமிழிலும் எழுவேண்டிய கட்டாயமாக உள்ளது என்று வைத்துக்கொள்வோம் அப்போது என்ன செய்வீர்கள்?

கவலை வேண்டாம். இருக்கவே இருக்கின்றது "Tamil99" விசைப்பலகை. மிகவும் இலகுவாக உபயோகப்படுத்தக்கூடியது. இவ்விசைப்பலகையின் எழுத்துக்கள் தமிழிலேயே இருப்பதால் மிகவும் இலகுவாக தட்டச்சலாம்.

இதை எவ்வாறு பயன்படுத்துவது எனும் செயல் முறை வழிக்காட்டலை இந்தக் காணொளியூடாக பார்த்துக்கொள்ளுங்கள்.



இந்த "தமிழ்99" விசைப்பலகையை இந்த வலைத்தளத்தின் அடிப்பாகத்திலும் (Footer) பொருத்தப்பட்டுள்ளது.

உங்கள் அவசரத் தேவையின் போது இந்த விசைப்பலகையிலேயே தட்டச்சு செய்து Copy > Paste என்று ஒட்டி பயன்படுத்திக்கொள்ளலாம்.

அத்துடன் இந்த தமிழ் 99 விசைப்பலகையை உருவாக்கி தமிழர் பயன்பாட்டிற்கு தந்தருளிய அன்பருக்கு நன்றி கூறிக்கொள்வோமாக.

வீடியோ விளையாட்டு

வீடியோ விளையாட்டில் பிரியமுள்ள சிறுவர்களுக்கு

மைக்ரோசொப்ட் நிறுவனமும் பில் கேட் அவர்களும்

பில் கேட் [William Henry (Bill) Gates III] என்றால் இன்று தெரியாதவர்கள் இருக்கமுடியாது. கடந்த இரண்டு தலைமுறைகளில் பில் கேட் அளவிற்கு உலக மக்களிடையே பெரும் தாக்கத்தை ஏற்படுத்திய, பிரசித்திப் பெற்றவர் வேறு யாரும் இருக்க முடியாது. உலகின் போக்கையே மாற்றியமைத்துவிட்ட சாதனையாளர் என்றே இவரைக் கூறவேண்டும்.

மைக்ரோசொப்ட் நிறுவனத்தின் தலமை கணனி மென்பொருள் வல்லுனரும், அதன் தலமை நிறைவேற்று அதிகாரியும் ஆகிய பில் கேட் அவர்களுக்கு தற்போது வயது 52 ஆகிறது.

உலக பணக்காரர்கள் வரிசையில் “பில் கேட்” அவர்களே தொடர்ந்தும் பல வருடங்களாக முதல் இடத்தில் இருப்பவர் என்பது குறிப்பிடத்தக்கது. 1999 களிலேயே இவரது சொத்தின் மதிப்பு 100 பில்லியன்களை தாண்டியிருந்தது.

இன்று இவரது நிறுவனமான “மைக்ரோசொப்ட்” நிறுவனத்தில் உலகெங்குமாக 78,000 பேர்கள் 105 நாடுகளில் சேவை புரிகின்றனர்.

ஆம்! இந்த தன்னிகரற்ற சாதனையாளரான “பில் கேட்” அவர்களின் வாழ்க்கை வரலாற்றை ஒரு முறை பார்ப்போம்.

பில் கேட் அவர்கள் 1955 ஒக்டோபர் 28ம் திகதி அமெரிக்கா, சியேட்ல், வொசிங்டன் [America, Seattle, Washington] எனும் நகரில் பிறந்தார். இவரது தந்தையின் பெயர் 'வில்லியம் கெச் கேட்சு' இவர் ஒரு சிறந்த வழக்கறிஞர் ஆவார். தாயார் பெயர் 'மேரி மேக்சுவெல்' வொசிங்டன் பல்கலைக்கழகத்தின் ஆசிரியை ஆவார். இவர்களின் மகனான, பில் கேட் தனது சிறு வயதிலேயே கணிதம், அறிவியல் பாடங்களில் சிறந்து விளங்கினார்.

தன் பதி்மூன்றாவது வயதில் சியாடிலில் சிறந்து காணப்பட்ட லேக்சைட் பாடசாலைக்கு மாற்றம் பெற்றார். அங்கே கல்வி கற்கும் போதே அவரது கணனி ஆர்வம் ஆசிரியர்களால் இணங்கானப்பட்டது. சிறு வயதிலேயே மென் பொருள் எழுதுவதில் ஆர்வமுள்ளவராகக் காணப்பட்டார்.

தனது 13ம் வயதிலேயே மென்பொருள் எழுத தொடங்கினார்.

பிறகு 1973ல் ஆவர்ட் [Harvard University] பல்கலைக்கழகத்தில் சேர்ந்து படித்தார். அவரது நண்பரான இசுடீவ் பால்மரின் வீட்டில் தங்கியிருந்து படித்தார். இக்காலப்பகுதியில் இவரது படிப்பு பாதியில் இடைநிறுத்தும் அளவிற்கு இவரது கணனி ஆர்வம் மிகுந்து காணப்பட்டது.

ஆவர்ட் பல்கலைக்கழக படிப்பு முற்றுப்பெற்ற பின்பு தனது சிறு வயது நண்பர் பவுல் எலன் (Paul Allen) என்பவருடன் இணைந்து மைக்ரோசாப்ட் நிறுவனத்தை 1975ல் ஆரம்பித்தார்.

கணனித்துறை பிற்காலத்தில் பெரும் புரட்சியை ஏற்படுத்தும் எனும் ஒரு தீர்க்கத்தரிசனம் இவருக்குள் இருந்தது. இதனால் இவரும் இவரது நண்பரும் இணைந்து மென்பொருள்களை எழுதுவதில் மும்முரமாக ஈடுபட்டனர். இவருடைய இந்த தொலை நோக்குச் சிந்தனைத்தான் பிற்காலத்தின் இவருடைய அபார வெற்றிகளுக்கு வழிவகுத்தது எனலாம்.

இன்றை உலகில் சாதாரன கணனி பாவனையாளர் முதல் அலுவலகங்கள், நிறுவனங்கள் வரை மைக்ரோசொப்ட்டின் [Microsoft Office] மென்பொருள் இன்றி ஒன்றுமே செய்ய முடியாத அளவிற்கு நிலை மாறியுள்ளது.

கணனி இயங்குத் தளங்களை (ஒப்பரேடிங் சிசுடம்) பொருத்தவரையிலும் 85% சதவீதமானவை மைக்ரோசொப்ட் நிறுவனத்தின் இயங்கு தளங்களாகவே உள்ளன.

மைக்ரோசொப்ட்டின் கடைசியான இயங்குதளமான “விண்டோசு விசுடா” 2007ம் ஆண்டு வெளியிடப்பட்டது. இதனை கிட்டத்தட்ட 6 ஆண்டுகள், 600 கோடி டொலர்கள் செலவில் 5000 கணனி மென்பொருள் வல்லுநர்கள் இணைந்து உருவாக்கப்பட்டது. இதில் 300 இந்திய கணனி மென்பொருள் வல்லுநர்களும் செயலாற்றியமை குறிப்பிடத்தக்கது.

இன்றைய கணனி உலக நுட்ப வளர்ச்சிக்கும், அறிவியல் மாற்றத்திற்கும் பில் கேட்சு அவர்களினதும், அவரது மைக்ரோசொப்ட் நிறுவனத்தினதும் பங்கு முதன்மையானது என்றால் மிகையாக இருக்காது.

பொருளாதாரத்துறையை எடுத்துக்கொண்டாலும் இன்றைய உலகின் பொருளாதார தந்தை என்று பில் கேட் அவர்களையே குறிப்பிடலாம்.

இன்று நாமெல்லாம் கணனியை பாவிப்பதற்கு வித்திடவர் இவர் என்றே கூறவேண்டும். பொதுமக்கள் மத்தியில் கணனியை அறிமுகப்படுத்தியதற்கான பில் கேட் அவர்களினதும் மைக்ரோசொப்ட் நிறுவனத்தினதும் பங்கு அளப்பரியது.

பில் கேட் பற்றி இன்னுமொரு தகவல்

பில் கேட் அவர்களும் கொலின் எமிங்வே (Collins Hemingway) என்பவரும் சேர்ந்து எழுதிய “Business @ the speed of Thought” எனும் நூல் 25 மொழிகளில் வெளியாகி பெரும் பறப்பறப்பை ஏற்படுத்தியது. பல பத்திரிக்கைகளினதும் சஞ்சிகைகளினதும் பாராட்டுக்களை பெற்றன.

பில் கேட்டின் முதலாவது நூலான “The Road Ahead' 1995 ஆண்டு வெளியாகிப் பெரும் பாராட்டினைப் பெற்றது. அதே ஆண்டு நியூயோர்க் டைம்சில் அதிகம் விற்பனையான நூல்களின் பட்டியலில் தொடர்ந்தும் இவரது நூல் ஏழு வாரங்கள் முன்னணியில் இருந்ததும் குறிப்பிடத்தக்கது. ஒரு தொழிலதிபராக மட்டுமன்றி, எழுத்துத் துறையிலும் தடம் பதித்தவர் பில் கேட் அவர்கள்.

இந்நூல்கள் மூலம் இவர் பெற்ற இலாபத்தை தொழில் நுட்பக் கல்வி அபிவிருத்திக்கும், இலாப நோக்கற்று இயங்கும் நிறுவனங்களிற்கும் நன்கொடையாகக் கொடுத்துவிட்டார்.

இதைத் தவிர உலகம் முழுவதும் வாழும் மக்களின் கல்வி மற்றும் சுகாதார அபிவிருத்திக்காக அறக் கட்டளையொன்றை அமைத்து அதற்காக பல பில்லியன் அமெரிக்க டொலர்களை ஒதுக்கி செயல்படுத்தி வருகின்றார். இதை “பில் எண்ட் மெலிண்டா கேட் பவுண்டேசன்” எனும் பெயரில் இவரது மனைவியாரும் இணைந்து செயலாற்றி வருகின்றனர்.

கூகிளின் இணைய மொழிமாற்று வசதி [CLIR]

இன்று எத்தனையோ விதமான அறிவியல் நுட்பத் தகவல்களும், கணனிசார் தகவல்களும், எண்ணற்ற கற்கை நெறிகளும் இணையத்தில் குவிந்துக் கிடக்கின்றன. ஆனால் இவை அதிகமாக ஆங்கிலத்திலேயே இருக்கின்றன. ஆங்கில அறிவு அற்றவர்களுக்கோ இவற்றின் முழுமையான பயனை பெறமுடியாமல் இருக்கின்றது. ஏன் தமிழர்களது நம்பகமான ஆங்கில இணையதளமான ‘தமிழ்நெட்’ தளத்தைக் கூட பார்க்க முடிவதில்லை என்ற ஏக்கம் எத்தனைப் பேர்க்கு இருக்கிறது.

உதாரனமாக தமிழ்நெட் இணையதளத்தின் இணைய முகவரியை அதாவது www.tamilnet.com என்பதை இன்னுமொரு இடத்தில் இட்டால் அப்படியே “தமிழ்நெட்” ஆங்கில இணையத்தளம் தமிழில் காட்சி தருகிறது என்று வைப்போம் எப்படியிருக்கும்..?

என்ன நினைக்கும் போதே மகிழ்ச்சியாக இருக்கிறதா?

ஆம்! ஆங்கிலமே அவசியமில்லாமல் போய்விடும். அனைத்து ஆங்கில தளங்களையும் தமிழில் மொழிமாற்றி வாசித்துவிடலாம். ஆம்! அப்படியான ஓர் வசதியை விரைவில் Google ஏற்படுத்தி தரப்போகிறதாம்.

Cross – Language Information Retrieval [CLIR] எனப்படும் கூகிளின் இணைய மொழிமாற்று நுட்ப வசதியை, கூகிள் நிறுவனம் கடந்த 2007 மே மாதம் அறிமுகப்படுத்தியது. அதன் ஆரம்பக் கட்டமாக தற்போது ஆங்கிலத்தை தவிர 12 மொழிகள் பயன் பாட்டில் உள்ளன. தமிழுக்கும் இந்த வசதி விரைவில் கிடைக்கும் என எதிர்பார்க்கப்படுகிறது.

அதாவது நாம் எழுதிய ஒரு பகுதியை அல்லது நாம் வாசித்து அறிய விரும்பும் ஒரு பகுதியை Copy Paste என்று இட்டு, எந்த மொழியிலிருந்து எந்த மொழிக்கு என்று தெரிவுசெய்து, Translate எனும் சுட்டியை அழுத்தினால் நாம் விரும்பிய மொழியில் மொழிமாற்றப்பட்டு நாம் வாசித்துக்கொள்ளலாம்.

வேண்டுமானால் Translate a Web Page எனும் இடத்தில் ஒரு இணையத்தள முகவரியை இட்டு, அந்த இணையத்தளத்தையே மொழிமாற்று செய்து பார்க்கவும் முடியும்.

ஒரு பரீட்சாத்தமாக ஒரு சீன மொழி இணையத்தள முகவரியை இட்டு Chinese to English என்று மொழிமாற்று செய்து பார்த்தேன். என்ன ஆச்சரியம்! சீன மொழியில் தென்பட்ட இணையத்தளம் ஆங்கிலத்தில் அருமையாக காட்சியளிக்கிறது. நீங்களும் பாருங்களேன்.

இதுதான் அந்த சீன இணையத்தளம் மொழிமாற்றும் முன்.

கூகிள் இணைய மொழிமாற்றியால் மொழிமாற்றிய பின்பு கீழே இதோ இவ்வாறு ஆங்கிலத்தில் காட்சி தருகிறது.
என்ன தமிழ் மொழிக்கும் இந்த வாய்ப்பு கிடைத்தால் ஒரு கை பார்த்துவிடாலாம் என்கிறீர்களா!

அதுசரி அந்த வாய்ப்பை கூகிள் நமக்கு வழங்கும் வரை கீழே சொடுக்கி வேறு மொழிகளை மொழிமாற்றி பயிற்சி செய்வோம்.

http://translate.google.com/translate_t

மின்னஞ்சல் அனுப்புவோமா?

நீங்கள் வழமையாக உங்கள் மின்னஞ்சல் சேவையை பயன்படுத்துவதற்கு உங்கள் பயனர் பெயர், கடவுச் சொல் போன்றவற்றை இட்டு திறந்து அங்கிருந்தே உங்களுக்கு அவசியமானவர்களுக்கு மின்னஞ்சலை அனுப்புவீர்கள். ஆனால் அவ்வாறு இல்லாமல் மிக எளிதாக இங்கிருந்தே உங்கள் மின்னஞ்சல்களை அனுப்ப முடியும். வித்தியாசமாக அதுவும் ஆங்கில கூட்டெழுத்துக்களில். எப்படி என்று முயன்றுபாருங்கள்.

To சென்றடைய வேண்டியவரின் மின்னஞ்சல் முகவரி
From அனுப்புகின்றவரின் மின்னஞ்சல் முகவரி
Name அனுப்புகின்றவரின் பெயர்
Subject விடயம்
Message தகவல் எழுதி கீழே Send என்று இருக்கும் இடத்தில் ஒரு சொடுக்கு போடுங்கள் அவ்வளவு தான். உங்களது மின்னஞ்சல் உரியவருக்கு சென்றடைந்து விடும்.